Bizkaiko Foru Aldundia - Diputación Foral de Bizkaia

2012. urtea Zahartze Aktiboaren Europako Urtea izan da, eta aurten ere Adinekoen Lehiaketa deitu du Bizkaiko Foru Aldundiak, argi baitu adinekoen kontzepzio integrala sustatu beharra dagoela.

Oraingo honetan beste ikuspuntu bat eman gura izan diogu lehiaketari, eta, hori dela eta, zahartze aktiboari lotutako balioak indartu nahi izan ditugu, belaunaldien arteko bat-egitea eta elkartasuna lortzearren.

Izan ere, pertsona nagusiek eta gazteek elkarrekin lan egitea, haien arteko harremanak izatea eta nagusi-gazteok beren ezagutza eta esperientzia trukatzea baliagarria izango zaigu adin guztientzako gizarte bat lortzeko, eta hori izan da, hain zuzen ere, lehiaketara aurkeztu diren lan guztiek jorratu beharreko gaia.

2012ko lehiaketan parte hartu dutenen lanak baloratuak izaten ari dira, hurrengo espezialitate hauetan:

• Literatura
• Pintura
• Argazkilaritza
• Adineko bidaietako argazkiak.

Beste berritasun batzuk ere egon dira sarietan; 2012ko edizioaren oinarrietan dituzue ikusgai.