Eskolako taldeentzako jarduerak
Gidatutako bisitaldia
Gidari batek lagunduta, instalazioen gaindi ibilbidea egiten da, irin-errota eta burdinolaren makineria abiaraziz, ikusten denaz, ondo ulertu ahal izateko eta gozatzeko beharrezkoak diren azalpenak ematen direlarik.
Bisita gidatuan zehar, errotak martxan, labeak piztuta eta hauspoak abiarazita ikusteaz gain, ikasturteon, sutegian egingo den burdinaren lantzeari buruzko erakustaldi erraza batez gozatzeko aukera izango dute ikasleek.
- Norentzako gomendatua: Bisitari guztientzako
- Iraupena: 50 minutu inguru
Tailerrak
Talo tailerra
Tailer honek, gure errotak ehotzen duen arto-irinaz zer egin dezakegun erakustea du helburu. Ikasleek beraien eskuez prozesu osoa egingo dute, irina oratuz eta taloa eginez.
- Norentzako gomendatua: Lehen hezkuntzako ikasleentzat.
- Bisitaldia + jardueraren iraupena: 2 ordu gutxi gorabehera
Gaztelutxiki. Muñatones Gaztelua
Dorrea, arma-patioa, lubakia eta harresiak kontserbatzen dituen erdi aroko bando-gerren garaian eraikitako gaztelu izugarrian zehar bisita gidatua egiten diegu ikasleei.
- Norentzako gomendatua: Lehen eta Bigarren Hezkuntza nahiz Batxillergoko ikasleentzako.
- Bisitaren iraupena: Ordu bat inguru.
- Hilabeteak: Urria, maitza eta ekaina.
Ura eta Energia
Energia hidraulikoaren ezarpenak landu eta normalean bisitatzen ez diren hainbat eremu eta instalazio erakusten ditugu: urtegia, banbu-basoa, bai eta errotapea ere, non XVII. mendeko hustubide estu baten bidez sartzen garen.
- Norentzako gomendatua: Lehen Hezkuntzako 3. Zikloko, DBHko eta Batxillergoko ikasleentzako.
- Bisitaren iraupena: 2 ordu inguru.
Ogia egiten tailerra
Arto-errota abian ikusiko dute ikasleek, ogia egiten arituko dira, hau da, arto-irina oratu, ogia egin eta labean sartuko dute, ogi ale bana etxera eroango dutela.
- Norentzako gomendatua: Lehen hezkuntzako ikasleentzako
- Bisitaldia + jardueraren iraupena: 2 ordu inguru.
Gida didaktikoak
Ibilbide gidatua zenbait koaderno didaktiko lagun edukiz egiten da, berauetan testu informatiboak, ariketak eta material grafiko ugari dagoelarik (marrazkiak, krokisak, mapak, e.a.). Materialaren zati bat bisitan bertan lantzen da eta gainerakoa ikasgeletan lantzeko dugu.
- Gidaliburu bi ditugu hezkuntza-ziklo ezberdinetarako.
- Norentzako gomendatua: Lehen eta Bigarren Hezkuntza nahiz Batxilergoko ikasleentzako.
- Bisitaldia + jardueraren iraupena: Ordu eta erdi inguru
Zuhaitzak nagusi. Lantegia eta paisaia "Eskola Agenda 21"
El Pobaleko ingurugiroa da jarduera honen eskenatokia, haren bitartez ikaslea natur inguruneaz eta beronen baliabideen erabiltze jasangarriz jabetuko delarik. Burdinola eta errota inguruneaz zelan baliatu izan diren ikusiko du ikasleak (energia hidraulikoa, egur-ikatza, zurezko makinak, basoa soiltzea, basoa berritzea…), paisaiari etekina atereaz baina, aldi berean, paisaia bera eraldatuz.
Burdinolen ibilbedea.
Ibilaldi gidatua Barbadun ibaiertzeko burdinolen zehar: El Pobal., La Olla eta Valdivian. Norentzat: L.H.-ko 3.zikloa eta DBH.
Burdin tailerra "Olagizon egun batez"
Tailer esperimentala dugu non gazte zein umeek hainbat praktika eta trikimailuren bidez, burdin ezberdin batzuk bereizten ikasiko duten. Horretarako ondoko bezalako metodoak erabiliko dira: zenbait egitura eta kolore behatzea, indarra erabiltzea (bihurdura, haustura zein karrakaketa) edo beroa ezartzea pieza txikiak forjatzeko. Gure sutegi-laborategian burdina lantzeko era atseginak berauek.
- Tailerrak eta jarduerak (2008/09 ikasturteko jarduerak biltzen dituen pdf dokumentua)
- Tailerrak eta jarduerak (2009/10 ikasturteko jarduerak biltzen dituen pdf dokumentua)
- Tailerrak eta jarduerak (2010/11 ikasturteko jarduerak biltzen dituen pdf dokumentua)
- Tailerrak eta jarduerak (2011-12 ikasturteko jarduerak biltzen dituen pdf dokumentua)
- Tailerrak eta jarduerak (2012-13 ikasturteko jarduerak biltzen dituen pdf dokumentua)
- Tailerrak eta jarduerak (2013-14 ikasturteko jarduerak biltzen dituen pdf dokumentua)
- 2014-15 Ikasturteko Jarduerak (Pdf 2,02 Mb)
Burdinolen ibilbidea
- Ibilaldi gidatua Barbadun ibaiertzeko burdinolen zehar: El Pobal, La Olla eta Valdivian.
- Norentzat: L.H.-ko 3. zikloa eta DBH.
Enkarterriko Museoarekin jarduera bateratua
Museo biek, DBHko eta Batxilergoko ikasleei bisita bateratuan, Enkarterriko bilakaera sozioekonomikoa eta burdinak nahiz burdinolek ingurune honetan izandako garrantziaz jabetzeko aukera eskaintzen diete.
Jarduera urritik eta ekainera bitarteko ostiraletan eginen da, gehienez 50 ikasle hartuko direlarik.
Ikasmaterialak
Fitxategi horiek ikusi ahal izateko, Adobe Acrobat Reader programa behar duzu. Programa hau doakoa da, estekan sakatu deskargatzeko. Deskargatu